وەزیری ناوخۆی كوردستان لە ئێرانە

964+

ئەرسەلان عەبدوڵا

وەزیری ناوخۆی هەرێمی كوردستان هاوشان لەگەڵ راوێژكاری ئاسایشی نیشتمانیی عێراق قاسم ئەعرەجی، لە ئێرانن و سەرۆك كۆمار و وەزیری دەرەوەی ئەو وڵاتەیان بینی.

رێبەر ئەحمەد لە تۆڕی ئێكس پۆستی كردووە و هەواڵەكەی بڵاوكردووەتەوە، كە لە سەردانێكدایە لە ئێران و دوێنێ سێشەممە هەریەكە لە سەرۆك كۆماری ئێران مەسعود پزیشكیان و وەزیری دەرەوە عەباس عەراقچی بینیوە.

وەزیری ناوخۆی كوردستان دەڵێت، كۆبوونەوەیان لەگەڵ سکرتێری ئەنجومەنی باڵای ئاسایشی نیشتمانیی ئێران عەلی لاریجانی كردووە و لە بارەی رێككەوتنی ئەمنیی نێوان عێراق و ئێران گفتوگۆیان كردووە، هەروەها لەگەڵ وەزیری دەرەوەش لە بارەی پەیوەندی نێوان هەردوولا و رێككەوتنی ئەمنیی نێوان ئێران و عێراق كردووە.

بە گوێرەی ئەو وێنانەی وەزیری ناوخۆی كوردستان لە تۆڕی ئێكس پۆستی كردووە، لە سەردانەكەدا چەند بەرپرسێكی دیكەی ئێرانیان بینیوە و گفتوگۆیان كردووە.

رێبەر ئەحمەد: توركیا داوای هاوكاریی لێكردووین