لە هەڵەبجە 30 مریشکی زیندوو دەستیان بەسەرداگیرا و لەناوبران - وێنە؛ قایمقامیەتی هەڵەبجە
خاوەنەکەشیان سزا درا
لە هەڵەبجە 30 مریشکی زیندوو دەستیان بەسەرداگیرا و لەناوبران
964+
شۆڕش قادری
لە هەڵەبجە 30 مریشکی زیندوو دەستیان بەسەرداگیرا و لەناوبران، خاوەنەکەشیان سزا درا.
غاندی مەحمود سەرۆکی لیژنە هاوبەشەکانی قایمقامیەتی قەزای مەڵبەندی هەڵەبجە بە 964ـی وت، سەردانی مریشک فرۆشێکی ناوبازاڕیان کردووە و دەستیان بەسەر 30 مریشکدا گرتووە کە لە پەلوپۆ کەوتبوون و نەشیاو بوون بۆ خواردن.
“هەموو مریشکەکانمان لەناوبرد، رێکاری یاسایی بەرامبەر مریشک فرۆشەکە گیرایەبەر و سزای دارایی درا”، غاندی مەحمود وای وت.
ئاماژەی بەوەشکرد، سەردانەکانیان بۆ پشکنینی قەساب و مریشک فرۆشەکان بەردەوام دەبێت و هەر شوێنێک پابەندی رێنماییەکان نەبێت، سزا دەدرێت.
لەسەر فڕێدانی مریشکی مردارەوەبوو لێکۆڵینەوە لە دەواجینەکانی هەڵەبجە دەکرێت
