پۆستەرەکانی بانگەشە زیانیان بە تۆڕەکانی ئاوی کەرکوک گەیاندووە - وێنە؛ پارێزگای کەرکوک
"لابران و کۆکرانەوە"
پۆستەرەکانی بانگەشە زیانیان بە تۆڕەکانی ئاوی کەرکوک گەیاندووە
964+
شۆڕش قادری
لە کەرکوک بەشێک لە پۆستەرەکانی بانگەشەی هەڵبژاردنی پەرلەمانی عێراق، زیانیان بە تۆڕەکانی ئاو گەیاندووە، هەڵمەتێک بۆ لابردن و کۆکردنەوەیان ئەنجامدرا.
بەپێی راگەیەنراوێکی پارێزگای کەرکوک، ئەمڕۆ شەممە 11.10.2025 و بە سەرپەرشتی قایمقام و بە هاوکاری لیژنەی پلاندانانی شار و بەشی باخچەکانی شارەوانی کەرکوک و هێزە ئەمنییەکان، هەڵمەتێک بۆ لابردنی تابلۆی ریکلام و بانگەشەی هەڵبژاردن ئەنجامدراوە.
ئاماژە بەوەشکراوە، ئەو تابلۆیانە زیانیان بە تۆڕەکانی ئاو و کەناڵەکانی ئاودێری و پارکە گشتییەکان و شۆستە ناوەندییەکان گەیاندبوو و ئاستەنگیان بۆ بینینی ئۆتۆمبێل و هاوڵاتیان دروستکردبوو، هەندێک جاریش بوونەتەهۆی رووداوی هاتوچۆ لە کەرکوک.
لەسەر گردێکی شوێنەواری لۆحە بۆ بانگەشەیی هەڵبژاردن دانراوە
