ئەندۆمی و خواردنەوە گازییەکان دوو لە قهدهغهكراوەکانن
فرۆشتنى دهیان خۆراك لە فرۆشگای قوتابخانهكانى ههرێم قهدهغه كرا
964+
فهرهاد حهسهن
قایمقامیهتى رانیه لیستی ئهو خۆراکە رێگە پێنەدراوانهى بڵاوكردهوه كه نابێت له فرۆشگای قوتابخانهكان بفرۆشرێن، لهناویاندا ئەندۆمی و خواردنەوە گازییەکان ههن.
بهپێی نووسراوێك كه قایمقامیهتى رانیه بڵاویكردووهتهوه، ئهم خۆراکه رێگهپێنهدراوانه تهنیا بۆ رانیه نییه، بهڵكو تهواوى دایەنگە، باخچەی منداڵان، قوتابخانە و پەیمانگەکانی سەر بە وەزارەتی پەروەردە دهگرێتهوه.
بهپێی راگهیەندراوهكه، لیستی ئەو خۆراکانەی بڵاوکراوهتهوه، بە پێی بڕیاری وەزارەتی تەندروستی هەرێمی کوردستان فرۆشتنیان لە فرۆشگای ناوەندەکانی خوێندن لهههرێمی كوردستان قەدەغە کراون.
خواردنهوه گازیی و وزهبهخشهكان و جبسی رهنگدار بهههموو جۆرهكانییهوه، لهفهى جگهر، پهتاته و قیمه، ئهندۆمى و گهنمهشامى رهنگدار، ئهزبهرى، چلوره، مۆته ئایس كریم، كێكی كرێمدار، بنیچشت، سماق، لیمۆندزى، مهساسه بهههموو جۆرهكانییهوه تەمهرهیندى، جگهره و ڤهیپ و چهرهسی توێكڵدار، لهو خۆراكه قهدهغهكراوانهن كه نابێت له فرۆشگاكان بفرۆشرێن.
چەند رۆژ پێش ئێستاش، قایمقامیەتی رانیە بڵاویکردەوە کە لیژنەکانیان دەستیان بەسەر 28 سێت خواردنەوەی وزەبەخش لەناو فرۆشگای چەند قوتابخانەیەکدا گرتووە و هەموویان لەناوبردووە.
خاوهن حانووتهكانی رانیه داوای پارهكانیان دهكهنهوه
سبهى فرۆشگاى 16 قوتابخانهی كۆیه بهكرێ دهدرێن
