ئەمڕۆ كۆتا رۆژی خولەكەیان بوو
لە دهۆك 26 فەرمانبەری ژن فێری پیشەسازی زەیتی زەیتون دەكرێن
964+
فەرهاد حەسەن
لەدهۆك، 26 فەرمانبەری ژن لە رێگەی خولێكی راهێناندا فێری پیشەسازی دروستكردنی زەیتی زەیتون دەكرێن و ئەمڕۆش دوا رۆژی خولەكەیان بوو.
خولەكە، بە هاوكاری رێكخراوی CIHEAM BARIـی ئیتاڵی و بەهەماهەنگی بەرٍێوەبەرایەتی باخداری دهۆك بۆ ماوەی دوو رۆژ بەڕێوەچوو، دوێنێ سێشەممە دەستیپێكرد و ئەمڕۆش كۆتایی پێهات.
سەعدوڵا دۆسكی، بەڕێوەبەری بەرٍێوەبەرایەتی رێنمایی كشتوكاڵی دهۆك بە 964ـی راگەیاند، ئەم 26 ژنە، فەرمانبەری بەڕێوەبەرایەتییەكانی باخداری و توێژینەوەی كشتوكاڵین و چەندین دەرچووی دانەمەزراوی بەشی كشتوكاڵیشیان لەگەڵە بۆ بەشداریان لەم خولە.
وتیشی “خولەكە، بۆ فێركردنیانە لە پیشەسازی زەیتی زەیتون و هەمانكات گرنگی ئەم جۆرە زەیتە لە ژیانی رۆژانەدا”.
ئاماژەی بەوەشكرد، دوای تەواوبوونی خولەكە هەریەك لەم بەشداربووانە لە بەڕێوەبەرایەتیەكەی خۆیان زانیاری ناو خولەكە و رێنماییە پێویستەكان بە جوتیارانی خاوەن باخی زەیتون لە دهۆك دەدەن.
