250 کیلۆگرام ماددەی هۆشبەر دەستی بەسەردا گیرا

964+

ژووری هەواڵ

بەڕێوەبەرایەتیی گشتیی بەرەنگاربوونەوەی ماددەی هۆشبەر لە عێراق ئاشكرای كرد، لە ماوەی مانگی ئەیلولدا توانیویانە دەست بەسەر 250 کیلۆگرام ماددەی هۆشبەردا بگرن و 59 بازرگانی ماددەی هۆشبەریش دەستگیر بکەن .

بەڕێوەبەرایەتییەکە ئەمڕۆ یەكشە 28.9.2025 ئاماژەی بەوە دا، ئەو 59 بازرگانە نێودەوڵەتیی بوون و لە مەترسیدارترین بازنەکانی بازرگانی و بڵاوكردنەوە و بەقاچاخبردنی ماددەی هۆشبەر بوون لە ناوچەکەدا.

بەڕێوەبەرایەتییەكە دەڵێت، ئەوانەی لەو بازرگانییە رەشە تێوەدەگلێن، رێگەی كۆتایی خۆیان هەڵبژاردووە، كە زیندانی هەتاهەتایی یان پەتی سێدارەیە، هیچ كەس و لایەنێك بە كەڵكیان نایەن.

عێراق: گەورەترین كارگەی ماددەی هۆشبەرمان لە ناو لوبنان لەناوبرد