مەسرور بارزانى لەکاتى کردنەوەى پڕۆژەى جوتسایدى لالش
پارکێک و رێگەیەک
دوو پڕۆژەى گرنگ لە دهۆک کرانەوە
964+
وریا فەتاح
ئەمڕۆ شەممە، مەسرور بارزانى، پارکێکى نوێ و مۆدێرنى لە دهۆک کردەوە، هەر ئەمڕۆش جوتسایدى قەزاى شێخان- بۆ لالشى کردەوە.
پارکى سەرهەڵدان دەکەوێتە دڵى دهۆک، لەسەر رووبەڕى 122 هەزار مەتر دووجا دروستکراوە، هەزاران گوڵ و نەمام لەخۆى دەگرێت،
پارکەکە، 75%ـى رووبەرەکەى سەوزاییە و هەزاران گوڵ و نەمامى تێدا چێندراوە و دەتوانێت ژینگە و رێژەى سەوزایى شارەکە بباتە ئاستێکى باشتر.
پارکەکە زیاتر لە 4 ملیار دینارى بۆ خەرجکراوە و نافورەى سەرنجڕاکێش و شوێنى وەستانى ئۆتۆمبێل و خوردنگە و کافتریا لەخۆى دەگرێت و دەتوانێت ببێتە شوێنێکى گەشتیارى گرنگ بۆ شارەکە.
پرۆژەی جووتسایدی شێخان – لالش چییە؟
پڕۆژەیەکى گرنگى رێگاوبانە پارێزگای دهۆک، بە درێژاییی 9 کیلۆمەتر و پانیی 25 مەتر بە شێوازێکی ستاندارد تەواو کرا.
گوژمەی پرۆژەکە زیاتر لە 26 ملیار دینار بووە و هەموو بنەما پێشکەوتووەکانی رێگەوبانێکی باشی تێدا رەچاو کراوە.
رێگاکە بە شێوازێکی سەردەمییانە و بە دەستی کاری ناوخۆیی دروست کراوە و هێڵکاریی تەواوی بۆ ئەنجام دراوە.
