70 هەزار پەنجە ماسى خرایە دەریاچەى دوکانەوە
دوو هاوڵاتى بە خۆبەخشى
70 هەزار پەنجەماسى خرایە دەریاچەى دوکانەوە
964+
وریا فەتاح
لەسەر ئەرکى دوو هاوڵاتى سنوورى پشدەر، 70 هەزار پەنجەماسى خرانە دەریاچەى دوکانەوە.
بەڕێوەبەرایەتى پۆلیسى دارستان و ژینگەى راپەڕین بڵاوى کردەوە، لەروانگەى خۆشەویستى و بەرپرسیارێتى بۆ ژینگە، ئەمڕۆ دوو هاوڵاتى بەناوەکانى (فەرەیدون رەسوڵ و نەجمەدین عەلى)، بە هاوکارى بەشى پۆلیسى دارستان و ژینگەى پشدەر، 70 هەزار پەنجەماسیان خستە دەریاچەى دوکانەوە.
وەک باسکراوە، پەنجە ماسییەکان لە جۆرى کارپ بوون و لە دیوى پشدەرى زێى بچوکەوە خراونەتە دەریاچەکەوە.
پۆلیسى دراستان وێراى دەستخۆشیان لەو دوو هاوڵاتییە کە ئامانجیان زیادکردنی سامانی ماسییە لە ناو دەریاچەکە، پشتگیریکردنە لە پاراستنى سروشت و ژینگەى کوردستان.
