نرخی نەوت بەرزبووەوە

964+

شۆڕش قادری

چەند رۆژێک بوو نرخی نەوت روولە دابەزین بوو، بەڵام ئەمڕۆ بەشێوەیەکی بەرچاو بەرزبووەوە و هەر بەرمیلێک زیاتر لە دۆلارێکی چووەسەر.

ئەمڕۆ شەممە 13.9.2025 و لەکاتی کردنەوەی بازاڕی جیهانیی نەوت، نرخی یەك بەرمیل نەوتی برێنت بە 66 دۆلار و 99 سەنت دیاری کراوە و بەراورد بە دوێنێ ئێوارە نرخەکەی  0.93% بەرزبووەوە.

هەروەها نرخی یەك بەرمیل نەوتی تێكساس بە 62 دۆلار و 69 سەنت مامەڵەی پێوەدەکرێت و نرخەکەی 0.51٪ بەرزبووەتەوە.

هەفتەی رابردوو و دوای هێرشەکەی ئیسرائیل بۆ سەر کۆبوونەوەیەکی سەرکردەکانی حەماس لە دەوحەی پایتەختی قەتەر، نرخی نەوت بەخێرایی بەرزبووەوە، بەڵام ئەو بەرزبوونەوەیە زۆری نەخایاند و جارێکی تر سەربەرەوخوار بووەوە.

هێرشەکەی ئیسرائیل بۆ سەر قەتەر بەهای نەوتی بەرزکردەوە

نرخى نەوت روولە نزمییە