رووداوێکی هاتوچۆ دوو هاوسەری گەنجی لەیەک کرد

964+

کامیار کەمال- پێنجوێن

لەسەر رێگای ناڵپارێز – پێنجوێن رووداوێکی هاتوچۆ لە نێوان دوو ئۆتۆمبێل روویدا و دوو هاوسەری گەنجی لەیەک کرد، پیاوەکە گیانی لەدەستدا و خێزانەکەشی بە برینداری رەوانەی سلێمانی کرا.

هێمن ئیبراهیم قایمقامی پێنجوێن بە 964ـی وت، رووداوەکە لە نێوان دوو ئۆتۆمبێل لە جۆرەکانی تۆیۆتا کرۆلا و پیکابێک روویداوە کە حاڵەتی پێکدادان بووە.

ئاماژەی بەوەشکرد، لە رووداوەکەدا گەنجێکی تەمەن 19 ساڵ کە شۆفێری یەکێک لە ئۆتۆمبێلەکان بووە گیانی لەدەستداوە و هاوسەرەکەشی کە تەمەنی 16 ساڵ بووە، بە سەختی برینداربووە و رەوانەی سلێمانی کراوە.

هێمن ئیبراهیم وتیشی، ئەو گەنجەی گیانی لەدەستداوە خەڵکی گوندی کانی سپیکە سەربە ناحیەی ناڵپارێزە، لێکۆڵینەوەی پۆلیسی هاتوچۆش لە رووداوەکە دەستیپێکردووە.

پێداچوونەوە؛ شۆڕش قادری

باوک و کچێک بە رووداوی هاتوچۆ گیانیان لەدەست دا