کوردە و تەمەنی نزیکەی 60 ساڵ دەبێت
وردەکاری دەربارەی ئەو تەرمەی لە گەڕەکی سەرچنار دۆزرایەوە
964+
دیلان محەمەدجەزا – سلێمانی
ئەو تەرمەی لە گەڕەکی سەرچناری سلێمانی دۆزرایەوە، لەناو کۆگایەک دابووە، کوردە و تەمەنی نزیکەی 60 ساڵ دەبێت.
تەرمێک لە گەڕەکی سەرچناری سلێمانی دۆزرایەوە
پەیامنێری 964 چووەتە ئەو شوێنەی کە پاشنیوەڕۆی ئەمڕۆ چوارشەممە 10.9.2025 تەرمی کەسێکی تێدا دۆزاریەوە، بەپێی ئەو زانیاریانەی دەستی کەوتووە، ئەو کەسەی گیانی لەدەستداوە، پیاوێکی بێ خانە و لانە بووە و نزیکەی 15 رۆژیش دەبێ بێ سۆراغ بووە و کەسوکاری بەدوایدا گەڕاون.
ئەو کەسە لە ناو کۆگایەدا گیانی لەدەستداوە بەڵام هێشتا هۆکاری گیانلەدەستدانی نەزانراوە و تەرمەکەشی براوەتە پزیشکی دادی سلێمانی و دوای توێکاری رادەستی کەسوکاری دەکرێتەوە.
داڕشتنەوە؛ شۆڕش قادری
تەرمی ژنێکی تەنیا لە سلێمانی دۆزرایەوە
