بریکارێکى خۆراکە لە کاتى دابەشکردنى بەشەخۆراک بەسەر هاوڵاتیاندا _ وێنە: بۆ 964 نێردراوە
بۆ بریکارەکانی خۆراک
لیستی بایەعی لە رێگەی گروپی واتسئاپ و تێلگرام دەنێردێ
964+
ئەحمەد مستەفا
لەم مانگەوە لیستی ئارد و خۆراک بە شێوەی ئەلیکترۆنی بۆ بریکاران بەڕێ دەکرێت، تا بزانن چی بەرهەمێکی خۆراک و بەچی بڕێک بەسەر هاوبەشان دابەش بکەن.
ئەوەش لە رێگەی گروپی واتسئاپ یان تەلەگرامەوە.
بەڕێوەبەرایەتیی رێکخستنی پسوڵەی خۆراکی هەولێر، ئەمڕۆ شەممە 23.8.2025 بڵاوی کردەوە، هەموو بریکارەکانی ئارد و خۆراک دەبێت بە زووترین کات ئەپڵیکەیشنی واتسئاپ و تێلگرام لەمۆبایلەکانیان دابەزێنن.
پسوڵەی خۆراکی هەولێر هۆکارەکەی بۆ ئەوە گەڕاندوە، لەم مانگەوە لیستی ئارد و خۆراک لە رێگای گروپێکی واتسئاپ و تێلگرامەوە بۆیان دەنێردرێت، تا بەگوێرەی ئەو لیستە مامەڵە بکەن.
