کەشەکە کەمێک فێنکتر دەبێ؛ لە هەندێک ناوچە تۆزێکی کەم ئاسمان دەگرێ

964+

شۆڕش قادری

بەرەو کۆتاییەکانی چلەی هاوین دەڕۆین و کەشەکە تادێت فێنکتر دەبێ، ئەم دوو ڕۆژە گەرما یەک بۆ دوو پلەی دیکە دادەبەزێ و لە هەندێک ناوچەش تۆزێکی کەم ئاسمان دەگرێ.

بەپێی پێشبینییەکانی کەشناسی، ئەمڕۆ چوارشەممە 20.8.2025 ئاسمان بەگشتی ساماڵ دەبێ و پلەی گەرماش یەک بۆ دوو پلە بەراورد بە دوێنێ نزمتر دەبێتەوە.

بۆ سبەی پێنجشەممەش، ئاسمان هەروا بە ساف و ساماڵی دەمێنێتەوە، بەڵام لە ناوچەکانی ناوەڕاست و باشووری هەرێم تۆزێکی کەم دەبینرێ، پلەی گەرماش وەک ئەمڕۆ دەمێنێتەوە و گۆڕانکارییەکی ئەوتۆ بەخۆیەوە نابینێ.

بەرزترین پلەی گەرمای پێشبینیکراو بەپلەی سیلیزی بۆ ئەمڕۆ:

هەولێر: 42 پلەی سیلیزی

سلێمانی: 41 پلەی سیلیزی

دهۆک: 41 پلەی سیلیزی

کەرکوک: 43 پلەی سیلیزی

زاخۆ: 42 پلەی سیلیزی

هەڵەبجە: 42 پلەی سیلیزی

سۆران: 41 پلەی سیلیزی

حاجی ئۆمەران: 35 پلەی سیلیزی

گەرمیان: 45 پلەی سیلیزی

کەشناسی وادەی کۆتاییهاتنی شەپۆلی خۆڵبارینی راگەیاند

تۆز و خۆڵبارین بەردەوامە و پلەکانی گەرما نزم دەبن