تۆز و خۆڵبارین بەردەوامە و پلەکانی گەرما نزم دەبن

 964+

توانا نەقی

پێشبینی کەشناسی بۆ ئەمڕۆ یەکشەممە بە شێوەیەکە ئاسمان ساماڵ و تۆزوخۆڵ دەبێت، کاریگەرى ئەم تۆزو خۆڵەى بەشێک لە ناوچە جیاجیاکانى گرتووەتەوە ئەمڕۆ بەردەوام دەبێت لە هەندێ کاتدا کەم دەبێتەوە لە هەندێ کاتدا زیاد دەکات.

بەڕێوەبەرایەتی گشتی کەشناسی و بومەلەرزەزانی بڵاویکردەوە، لە سنوورى ئیدارەى گەرمیان شەپۆڵى خۆڵبارین زیاتر دەبێت لە هەندێ کاتدا، سنوورى ئیدارەى زاخۆ و پارێزگاى دهۆک کاریگەرى خۆڵ بارین کەمترە.

سەبارەت بە پلەکانی گەرما وا پێشبینی کراوە،  لە هەندێک ناوچە پلەیەک نزم دەبێتەوە و ئەم نزم بوونەوەش سبەینێ بەردەوام دەبێت.

ئەمڕۆ یەک شەممە 17.8.2025
خێراى با /  لەسەر خۆ- مام ناوەند  ( 10– 20 )کم/ک.
مەوداى بینین / ( 4–  7 ) کم دەبێت .
ئاراستەی با /  لە نێوان باشووری ڕۆژئاوا و باکووری رۆژهەڵات دەبێت.
پلەکانی گەرما/ لە هەندێ ناوچە نزیک دەبێتەوە لە هەندێ ناوچەش نزم دەبێتەوە یەک پلەى سیلیزى .

بەرزترین پلەکانی گەرما بۆ ئەمڕۆ یەکشەممە:
هەولێر :  41 پلەی سیلیزی
سلێمانی : 40 پلەی سیلیزی
دهۆک :  41  پلەی سیلیزی
کەرکوک : 44 پلەی سیلیزی
زاخۆ  :  43 پلەی سیلیزی
هەڵەبجە : 42 پلەی سیلیزی
سۆران : 40 پلەی سیلیزی
حاجی ئۆمەران : 30 پلەی سیلیزی
گەرمیان 45 پلەی سیلیزی