10 هەزار دۆنم پوشو پاوەن و لەوەڕگا سووتاوە
پێنج رۆژە شاخی پیرمیکایل لە پێنجوێن دەسووتێ
964+
کامیار کەمال – پێنجوێن
پێنج رۆژە شاخی پیرمیکائیل لە نێوان بلکیان و باشماخ دەسووتێت و بەشێکی زۆری کۆنترۆڵ کراوە و مەزەندە دەکرێت زیاتر لە 10 هەزار دۆنم دارستان و پوش و پاوان بەهۆیەوە سووتا بێت.
مقەدەم سەردار ئەحمەد، بەڕێوەبەری پۆلیسی دارستان و ژینگەی پێنجوێن بە 964ـی وت، تا ئێستا هۆکاری کەوتنەوەی ئاگرەکە نەزاندراوە و مەزەندەش دەکرێت زیاتر لە 10هەزار دۆنم دارستان و پوش و پاوان سووتا بێت.
وتیشی، کۆنترۆڵکردنی ئاگرەکە زۆر قورس و زەحمەت بووە، چونکە ناوچەکە مینڕێژە و دارستانێکی چڕە و لە چەندین لاوە ئاگرەکە هەبووە، کە سنووری سێ گوند بووە و ئەوانیش گوندەکانی؛ هەرگێنە، بناوەسوتە و ئاڵیاوە بووە.
باسی لەوەشکرد، چەندین داری تەمەن سەروو 100 ساڵ و گیانداری کێوییش بەهۆی ئاگرەکەوە سووتاون.
پێداچوونەوە: ژێوار خدر
