دیمەنێک لە چیای شەنگال _ وێنە: تۆڕی کۆمەڵایەتی
رۆژێکى وەک پشوو بۆ ئێزدییەکان راگەیاند
سودانی: 89 پرۆژە بە 100 ملیار دینار لە شنگال جێبەجێ دەکەین
964+
ژووری هەواڵ
سەرۆک وەزیرانی عێراق، لە رێوڕەسمى 11مین ساڵیادى جینۆسایدى ئێزدییەکان لە بەغداد رایگەیاند، 89 پرۆژەی خزمەتگوزاری لە شنگال جێبەجێ دەکەن کە زانکۆى شنگال لەخۆدەگرێت و تێچوویان 100 ملیار دینارە.
محەمەد شیاع سودانى، دەڵێت، وەزارەتی دارایییان راسپاردووە مامەڵەی قەرەبووی 19 هەزار خێزان رایی بکات و پارەکانیان بۆ خەرج بکرێت و چوارشەممەی مانگی نیسانی هەموو ساڵێکیش، کراوەتە پشوو بۆ جینۆسایدی ئێزدییەکان.
سودانى وتیشی، ئەو تاوانانەی بەرامبەر ئێزدییەکانی شنگال لە کوشتن و رفاندنی کچ و ژن و منداڵیان تووشی هاتوون، رەنگدانەوەی دڕندەیی داعش بووە، کە هیچ پەیوەندییەکی بە ئایینی ئیسلامەوە نییە.
سەرۆکوەزیرانى عێراق، راشیگەیاند، بەناوکردنى 14 هەزار یەکەی نیشتەجێبوون بۆ ئێزدییان پەسەند کراوە و مۆزەخانەیەک و هۆڵێکی گەورەی پێشوازیی میوانانی نێودەوڵەتی بۆ ئێزدییەکان لە شنگال بونیاددەنێن.
