خەبات
تەرمى گەنجێک بە خنکاوى دۆزرایەوە؛ هیچ ناسنامەیەکى پێ نییە
964+
وریا فەتاح
بەرگریى شارستانیى هەولێر، لەنزیک پردى نوێى خەبات، تەرمى گەنجێکیان دۆزیوەتەوە کە هیچ ناسنامەیەکى پێ نییە.
بەپێى راگەیەندراوێکى بەرگریی شارستانیى هەولێر، پاش نیوەڕۆی ئەمڕۆ پێنجشەممە، کاتژمێر 1:50 خولەک، لەلایەن بنکەی پۆلیسی خەبات ئاگادار کراونەتەوە لە بوونی تەرمێکی سەرئاوکەوتوو، لە نزیک پردی نوێی خەبات.
دەشڵێت: هەرزوو تیمى رزگارکردنى جێگیر گەیشتوونەتە شوێنەکە و توانراوە تەرمەکە دەربهێننەوە و رەوانەى پزیشکى دادى هەولێرى بکەن.
گەنجەکە لە رەگەزى نێرە و تەمەنى لە نێوان 24 بۆ 25 ساڵانە و هیچ جۆرە ناسنامەیەکى ناسینەوەى پێ نییە.
