ئەمساڵ زووتر پێگەیشتووە
بە هەرەوەز سماقی شاخەکانی ئاکرێ لێدەکەنەوە
964+
عەبدولعەزیز خالند
بەرەبەیانە و بە کۆمەڵ بەرێکەوتوون بۆ سەر چیا بەرزەکانی ئاکرێ، لەوێ بە هەروەزی دەست دەکەن بە لێکردنەوەی سماق و پڕکردنی گونیەکانی دەستیان.
کارەکە ماندوبوونی زۆرە بەڵام چنینەوەی بەرهەم و بەهەروەزی کارکردن و دیمەنی سەرچیا و سروشت کەمێک لەو ماندووبوونە دەڕەوێنێتەوە.
ئەنەس عەزیز یەکێک لەو گوندشینانەیە کە سماق لێدەکاتەوە و دەڵێت، کەمبارانی و گەرمای زۆر وای کردووە ئەمساڵ سماقی ئاکرێ زووتر لە وادەی خۆی پێبگات، سێ جۆر سماقیان هەیە و باشترینی سپیەکەیەتی.
زێبار هەناری یەکێکی دیکەیە لەو کەسانەیە چووەتە سماق لێکردنەوە ئەویش باسی ئەوە دەکات، شوێنەکە چەند بەرز و سەخت و ساردبێت واتە بەفری زیاتر لێ ببارێت سماقەکەی دەرەجە یەک دەبێت.
پێداچوونەوە: توانا نەقی
