لە هێرشەکەی زاهیدان نزیکەی 30 کەس کوژران و برینداربوون - وێنە؛ مێهر نیوز
لە 30 کەس نزیک بووەوە
ئاماری کوژراو و بریندارانی هێرشەکەی ئێران بەرزبووەوە
964+
شۆڕش قادری
ئاماری کوژراو و بریندارانی هێرشەکەی شاری زاهیدانی ئێران بۆ نزیکەی 30 کەس بەرزبووەوە.
ئاژانسی هەواڵی مێهر لەزاری ئەبولفەزڵ ماهرۆخ سەرۆکی ناوەندی پەیوەندییە گشتییەکانی فریاگوزاری ئێران بڵاویکردووەتەوە، لە هێرشەکەی شاری زاهیدانـی سەربە پارێزگای سیستان و بەلوچستان شەش کەس کوژراون و 22 کەسی دیکەش برینداربوون.
ئاماژەی بەوەشکردووە، لەو 22 بریندارە، 21 کەسیان لە نەخۆشخانە ماونەتەوە و لەژێر چاودێری پزیشکیدان.
بەرەبەیانی ئەمڕۆ شەممە 26.7.2025 ژمارەیەک چەکدار هێرشیان کردەسەر باڵەخانەی دادگای شاری زاهیدان و دواتر گروپی جەیشولعەدل بەرپرسیارێتی هێرشەکەی لەئەستۆ گرت و لە بەیاننامەیەکدا رایگەیاند، “مەبەست لە ئۆپەراسیۆنەکە بەرەنگاربوونەوەی ستەمکاریی سیستەمی دادوەرییە بەرامبەر بە هاووڵاتیانی بەلوچ”.
