کچەکەی نەرمین قادر بۆ 964
“دایکم تەندروستی خراپە و گرێ لە سەریدایە”
+964
دیلان محەمەد -سلێمانی
هونەرمەند نەرمین قادر تاقە خانمەکەی بەرنامەی بەرنامە، تەندروستی ناجێگیرە و بۆ جاری دووەم لە بەغدا نەشتەرگەری سەری بۆ ئەنجامدراوە.
پەیامنێری 964 پەیوەندی کرد بە لۆلان ئازاد کچی خانمە هونەرمەند و لە بارەی تەندروستی دایکییەوە وتی، گرێی شێرپەنجەیی لە سەریدایە و ئەمە دووەم جارە هەمان نەشتەرگەری بۆ ئەنجامدەدرێت جگە لە چەندین نەشتەرگەری تر، تەندروستی باش نییە و ئێستا لە ماڵەوە پشوو دەدات.
لۆلانی تاقانە، باسی لەوەش کرد پێنج رۆژ پێش ئێستا نەشتەرگەرییەکەی بۆ کراوە و دەبێت دوور بێت لە ژاوە ژاو، هاوکات سەرجەم تێچووی چارەسەرەکانی لەسەر ئەستۆی خۆیان بووە و نەشتەرگەریەکی دیکەی ماوە بۆ جگەری و بەنیازن بیبەنەوە بۆ بەغدا، لەبەر ئەوەی ئەو ئامێرەی نەشتەرگەریەکانی پێدەکرێت لە کوردستان بوونی نییە.
پێداچوونەوەی: پەری ساڵح
