سەربازێک ئیتاڵى لە رۆما لە کاتى ئەرکدا
پێنج ساڵى تر دەچنە شەڕەوە
راپرسییەک: تەنیا %16ـى ئیتاڵییەکان ئامادەن بەرگری لە وڵاتەکەیان بکەن
964+
وریا فەتاح
راپرسییەکى نوێ دەریدەخات کە نزیکەی یەک لەسەر سێی ئیتاڵییەکان پێیان وایە لە ماوەی پێنج ساڵی داهاتوودا وڵاتەکەیان راستەوخۆ بەشداری لە جەنگدا دەکات، بەڵام تەنیا %16ـى ئەوانەی لە تەمەنی سەربازیدان ئامادەن چەک هەڵبگرن.
راپرسییەکە کە لەلایەن سەنتەری توێژینەوەی کۆمەڵایەتی (CENSIS) ئەنجامدراوە، تێیدا چەند راستییەکى خستووەتەڕوو بەتایبەت لەبارەى تێوەگلانى وڵاتەکەیان لە جەنگ و بەرزکردنەوەى بوجەى بەرگرى وڵاتەکەیان.
راپرسییەکە دەریخستووە کە 39%ـی ئیتاڵییەکانی نێوان تەمەنی 18 بۆ 45 ساڵ، خۆیان وەک کەسانی ئاشتیخوازی دژ بە سەربازیی زۆرەملێ تۆمار دەکە، لە کاتێکدا 19%هەوڵی خۆدزینەوە لە سەربازی دەدەن بە ڕێگەی تر.
راپرسییەکە گەیشتووە بەم دەرەنجامانەى خوارەوە:
یەک لەسەر سێی ئیتاڵییەکان پێیان وایە لە ماوەی پێنج ساڵی داهاتوودا وڵاتەکەیان راستەوخۆ بەشداری لە جەنگدا دەکات.
%16 ئامادەن چەک هەڵبگرن بۆ وڵاتەکەیان.
%26ـى بەشداربووان پێیان باشە ئیتاڵیا پشت بە بەکرێگیراوانی بیانی ببەستێت ئەگەر تووشى شەڕ بوو.
%26 پێیان وایە رێگری سەربازی رێگایەکی باشە بۆ مسۆگەرکردنی ئاشتی.
%25 پشتیوانی لە زیادکردنی بودجەی سەربازی دەکەن
%11 خوازیارن وڵاتەکەیان خاوەنی چەکی ئەتۆمی بێت.
%49ـى ئیتاڵییەکان لایەنگری بەهێزکردنی ناتۆن
%58یان خوازیاری سیستەمێکی بەرگری یەکگرتووی یەکێتی ئەوروپان.
