"ناوچەی مینڕێژکراوە و هێشتا کۆنتڕۆڵ نەکراوە"
ئاگرێکی گەورە لە کوێستانەکانی سەکران کەوتەوە
964+
شۆڕش قادری
ئاگرێکی گەورە لە کوێستانەکانی سەکران لە سنووری ئیدارەی سەربەخۆی سۆران کەوتەوە و هێشتا ئاگرەکە کۆنتڕۆڵ نەکراوە.
بەپێی راگەیەنراوێکی بەڕێوەبەرایەتی بەرگری شارستانی سۆران، ئەمشەو هەینی 18.7.2025 ئاگرێکی گەورە لە ناوچە شاخاوییەکانی سەکران کەوتووەتەوە.
ئاماژە بەوەشکراوە، لەبەر ئەوەی ئەو شوێنە ناوچەیەکی مینڕێژکراو و مەترسیدارە، تا ئێستا نەتوانراوە ئاگرەکە بە تەواوەتی کۆنتڕۆڵ بکرێت.
بەرگری شارستانی سۆران هیچ ئاماژەیەکی بە هۆکاری سەرهەڵدانی ئاگرەکە و زیانەکانی نەکردووە.
سێ کاتژمێر زیاترە گوندی وڵاش لە ناوچەی باڵەکایەتی دەسوتێت
