دیمەنی بەشێک لەو ترشەی لەلایەن ئاسایشی راپەڕینەوە دەستی بەسەرداگیراوە وێنە: ئاسایشی راپەڕین
"فرۆشتن و ساغکردنەوەی ئەو جۆرە ترشە لە بازاڕدا قەدەغەیە"
لە حاجیاوا 110 کیلۆ ترش دەستی بەسەرگیرا
964+
ژێوار خدر
لە حاجیاوای ئیدارەی راپەڕین دەستبەسەر 110 کیلۆ ترشی سماقدا گیرا بەهۆی ئەوەی شیاو نەبوو بۆ خواردن و فرۆشتن و ساغکردنەوەی قەدەغەیە.
ئاسایشی راپەڕێن رایگەیاند، هۆبەی ئابوری یاریدەدەرێتی ئاسایشی حاجیاوا، دەستیان بەسەر 110 کیلۆ ترشی سماقی ئاکرێدا گرت، کە فرۆشتن و ساغکردنەوەی لە بازاڕ قەدەغە و رێپێدراو نییە.
دەشڵێت، پێشتر ئەو جۆرە ترشە پشکنینی بۆ کراوە و دەرکەوتووە شیاوی خواردن نییە، زیان بە تەندروستی هاوڵاتییان دەگەیەنێت.
روونیشیکردەوە، خاوەنی ئەو فرۆشگەیانەی ترشەکەیان فرۆشتووە، رێکاری یاساییان بەرامبەر گیراوەتەبەر و لێپێچینەوەیان لەگەڵدا دەکرێت.
