"پۆلیس و هێزێکی ئەمنیی چووەتە سەریان"
خێمەکەی مامۆستایانی خوێندنی کوردی لە کەرکوک دەستی بەسەرداگیرا
964+
شۆڕش قادری
خێمەکەی مامۆستایانی خوێندنی کوردی لە کەرکوک لابرا و دەستی بەسەرداگیرا.
پەیامنێری 964 رایگەیاند، کەمێک لەمەوبەر پۆلیسی چالاکییە مەدەنییەکان و هێزێکی ئەمنیی چوونەتە سەر خێمەی مامۆستایانی خوێندنی کوردی لە کەرکوک، بە زۆر خێمەکەیان لابردووە و دەستیان بەسەرداگیراوە.
سەر لەبەیانی ئەمڕۆ سێشەممە 15.7.2025، مامۆستایانی خوێندنی کوردی لە بەردەم نوسینگەی پەرلەمانی عێراق لە کەرکوک خێوەتیان هەڵدا و دژی دواکەوتنی موچە دەنگیان هەڵبڕی.
مامۆستا ئەحمەد کەرکوکی بە 964ـی وتبوو، ناڕەزایەتییەکەیان بەردەوام دەبێت و بەهیچ شێوەیەک خێمەکە لانابەن.
