“ئەگەر حکومەت بەدەم داواکارییەکەمانەوە نەیەت هەڵوێستى جدیمان دەبێت”

964+

ئاکام غەفور –  سۆران

برایەکى ئەو خۆپیشاندەرەى شەوى رابردوو لە پردى حافیز لە سنوورى وەرتێ گیانى بەخشى، قسەى بۆ 964 کرد و دەڵێت: ئەگەر حکومەت بەدەم داواکارییەکەمانەوە نەیەت هەڵوێستى جدیمان دەبێت.

شەماڵ عەبدوڵا، براى ئەو خۆپیشاندەرەى دوێنێ شەو لە وەرتێ گیانى بەخشى، بە 964ـى وت،”هەڵوێستى ئێمە هەڵوێستى عەشیرەتى باڵەکە و کەیسەکە لاى ئەوانە، ئەوان هەرچى بڵێن ئێمە پابەندین پێوەى”.

داواش دەکات، حکومەت وەڵامى داواکارییەکانیان بداتەوە، بە پێچەوانەوە هەڵوێستى جدیان دەبێت.

ئاشکراشى کرد، براکەى پیاوى یاسایە و پۆلیسى بەرگرى و فریاکەوتنە، باوکى پێنج منداڵە و دوو هاوسەرى هەیە و یەکێک لە هاوسەرەکانیشى دووگیانە.

بەوتەى شەماڵ، براکەى زۆر بە نامەردانە شەهیدکراوە و تاکە داواکاریشیان ئەوە کارەبا بووە کە مافى زۆر سەرەتایییە.
پێداچوونەوە: وریا فەتاح

تەرمى خۆپیشاندەرەکەى وەرتێ بەخاک دەسپێردرێت