بۆ پاڵپشتی کردنی كوڕان و کچان
سەنتەرێكی راهێنانی پیشەیی بۆ بەدەستهێنانی کار لە سلێمانی كرایەوە
964+
محەمەد فاتیح
بەمەبەستی پاڵپشتی کردنی كوڕان و کچان بۆ بەدەستهێنانی کار و پیشەی خۆیان، سەنتەرێکی راهێنانی پیشەیی لە شاری سلێمانی كرایەوە.
کوێستان محەمەد وەزیری کارو کاروباری کۆمەڵایەتی لە كاتی كردنەوەی سەنتەری راهێنانی پیشەیی ساڤی لە شاری سلێمانی وتى، “لەئێستادا وەزارەتی کار و کاروباری کۆمەڵایەتی سەرپەرشتی 12 سەنتەری راهێنان دەکات کە پێشتر تەنها 7 سەنتەر هەبووە و یەکێک لەسەنتەرەکان تایبەتە بە پێگەیاندنی راهێنەران بۆ سەنتەرەکانی تر”.
دەشڵێت، “سەنتەرکان بریتین لە راهێنانی پیشەیی هەولێر و سلێمانی و دهۆک، کار و راهێنانی پیشەیی زاخۆ،سۆران،گەرمیان، سەنتەری قەلادزێ، سەنتەری چەمچەمال ، سەنتەری خانەقین و سەنتەری کفری”.
“تاکو ئێستا 110 سەنتەر مۆڵەتی فەرمی راهێنانی پیشەیی وەرگرتووە لە کەرتی تایبەت”