پسپۆڕێکی نەخۆشییەکانی منداڵان
وەرزی گەرما کاریگەر هەیە لەسەر زیادبوونی سکچوون لە مندالاندا
964+
دیلان محەمەد – سلێمانی
وەرزی گەرمایە و نەخۆشی سکچون و رشانەوە لەناو منداڵاندا زیادبووە و پزیشکێکی پسپۆری منداڵانیش دەڵێت، لە رۆژێکدا نزیکەی 750 منداڵ سەردانی نەخۆشخانەی منداڵانی سلێمانی دەکەن.
دکتۆر قەحتان عەدنان، پسپۆڕی نەخۆشیەکانی منداڵان بە 964ـی وت، لەم وەرزەدا نەخۆشی سکچوون و رشانەوە لەناو منداڵاندا زیاتر بڵاوە و رۆژانە منداڵێکی زۆر سەردانمان دەکەن.
وتیشی، رۆژانە نزیکەی 750 منداڵ سەردانی نەخۆشخانەی منداڵان دەکەن.
روونیشیکردەوە، بۆ پاراستنی منداڵان لەم جۆرە نەخۆشییانە، پێویستە ئاو پێش ئەوەی بدرێت بە منداڵەکە بکوڵێنرێت و پاک بکرێتەوە.
پێداچوونەوە: ژێوار خدر
