لە سنووری قەزای ماوەت
کەمتەرخەمی گەشتیار 150 سندوقی بەخێوکردنی هەنگی سووتاند
964+
ژێوار خدر
لە گوندی غەزینەی قەزای ماوەت ئاگرێک کەوتەوە و 50 دۆنم پوش و پاوەن و داری سروشتی و 150 سندوقی بەخێوکردنی هەنگی سووتاند.
پۆلیسی دارستان و ژینگەی سلێمانی رایگەیاند، دوای ئاگادارکردنەوە لە هەبوونی ئاگر لە گوندی غەزینەی قەزای ماوەت دەستبەجێ مەفرەزەیەكی بەشی پۆلیسی دارستانی ماوەت گەیشتنە شوێنی رووداوەکە، بەیارمەتی خەڵکی گوندەکە و تیمەکان ئاگرەکە کوژێندرایەوە و کۆنتڕۆڵ کرا.
دەشڵێت، بەهۆی ئاگرەکەوە نزیکەی 50 دۆنم پوش و پاوان داری سروشتی، 150 سندوقی بەخێوکردنی هەنگ و کۆمەڵێك کەل و پەلی هاووڵاتیانیش سووتاون .
ئاماژەی بەوەشکردووە، هۆکاری ئاگرەکە بەهۆی پاشماوەی ئاگری گەشتیارانەوە بووە و لێکۆڵینەوە و بەدواداچوون بۆ دۆزینەوەی تۆمەتباران دەستیپێکردووە.
