لە دەروازەی حاجی ئۆمەرانە
پردەکەی حافیز کێشەی نەما
964+
ئاکام غەفور – سۆران
لە دوای ئەوەی دوای نیوەڕۆی دوێنێ یەکێک لە پلێتەکانی پردی حافیز شکا بوو، تیمەکانی رێگاوبانی سۆران قۆڵیان لێ هەڵماڵی و پێش ئەوەی رۆژ ببێتەوە چاکیان کردەوە.
پەیامنێری 964 هەواڵی شکانی پردەکەی گەیاند بە تیمەکانی چاککردنەوەی پردەکان و ئەوانیش هەر دوێنێ شەو تەواویان کرد و گرفتی هاتوچۆی نەما.
خوسرەت سادق، بەڕێوەبەری چاککردن و پاراستنی رێگاوبانی سۆران بە 964ـی وت، شەوی رابردوو دوای زیاتر لە کاتژمێرێک کارکردنی تیمەکانمان، پردەکەمان چاک کردەوە و گرفتی هاتوچۆی نەما.
وتیشی، پلێتەکە لە ناوەڕاستەوە شکابوو، کەڵکی ئەوەی نەمابوو هاتوچۆی بەسەردا بکرێت و گۆڕیمان.
پردی حافیز، یەکێکە لەو پردە ئاسنینانەی هیچ کات لە تەقە تەق ناکەوێت و جوڵەیەکی زۆری ئۆتۆمبێڵ و بارهەڵگری بەسەرەوەیە، رێگای گەیشتنە بە دەروازەی حاجی ئۆمەران.
پێداچوونەوە: توانا نەقی
