باڵیۆزخانەی ئەمریکا لە بەغدا. فۆتۆ: ئاژانسەکان
"پابەندین بە بەرەوپێشبردنی سیاسەتەکانمان"
کارکردنی باڵیۆزخانە و کونسوڵخانەی ئەمریکا لە بەغدا و هەولێر گۆڕانکاری بەسەردا نەهاتووە
964+
شۆڕش قادری
باڵیۆزخانەی ئەمریکا لە بەغدا رایگەیاند، لەگەڵ کونسوڵخانەکەیان لە هەولێر، هیچ گۆڕانکارییەکیان لە شێوازی کارکردنیان نەکردووە و پابەندن بە بەرەوپێشبردنی سیاسەتەکانیان.
باڵیۆزخانەی ئەمریکا لە بەغدا لە راگەیەنراوێکدا بڵاویکردەوە، رەوشی کارکردنمان لە بەغدا و کونسوڵخانەی گشتی هەولێر هیچ گۆرانکارییەکی بەسەردا نەهاتووە.
ئاماژەی بەوەشکردووە، ئەمریکا بە توندی پابەندە بە پێشخستنی ئەولەویەتی سیاسەتەکانی لە عێراق و بەهێزکردنی سەروەری ئەو وڵاتە و پتەوکردنی پەیوەندییەکانی لەگەڵ سەرکردەکان و گەلی عێراق.
ئەم راگەیەنراوە دوای ئەوە دێت کە دەنگۆی ئەو بڵاوببووەوە، ئەمریکا باڵیۆزخانە و کونسوڵخانەکەی لە بەغدا و هەولێر چۆڵ کردووە و شوێنەکانی بە سوپای وڵاتەکەی سپاردووە.
باڵیۆزخانەی ئەمریکا لە بەغدا: هێرشمان كراوەتەسەر
