دیارترینیان بۆ لێدانی كەشتییە
ئێران تائێستا چەندین مووشەكی هەیە بەكاری نەهێناون
964+
محەمەد فاتیح
لە بەردەوامی مووشەكبارانكردنی نێوان ئێران و ئیسرائیل، تاران تا ئێستا دەستی بە جبەخانەیەكی مووشەكەكانییەوە گرتووە و بەكاری نەهێناون.
بەپێی زانیاریی میدیا جیهانییەکان و شارەزایانی جەنگ، ئێران خاوەنی کۆمەڵێک مووشەکی مەودا مامناوەندە، کە توانای گەیشتنیان بە ئیسرائیل هەیە بە مەودای زیاتر لە هەزار کیلۆمەتر و بە سووتەمەنی شل كار دەكەن، هەروەها مووشەکی بالیستی پێشکەوتووی هەیە، كە بە سووتەمەنی رەق كار دەكەن و زۆربەیانی لەم جەنگەدا بەكار هێناوە، بەڵام مووشەکی دیکەشی هەن و بەکاری نەهێناون.
دیارترین ئەو مووشەکانەی کە تائێستا ئێران بەكاری نەهێناون:
مووشەکی خوڕەمشار
ئەم مووشەکە مەودای دوو هەزار کیلۆمەترە و دەتوانێت سەرە بۆمب بە کێشی زیاتر لە هەزار و 500 کیلۆگرام هەڵبگرێت و تایبەتمەندە بە خێرایی بەرز و توانای مانۆڕکردن بۆ خۆدزینەوە لە بەرگریی ئاسمانی.
فەتاح 2
ئەم مووشەکە مەودای 1400 کم و خێراییەكی زۆری هەیە لە ناو بەرگەهەوادا، ئەمەش وایکردووە رێگریكردن لەم مووشەكە قورس بێت.
مووشەكی قاسم
مووشەکێکی بالیستی کورت مەودایە، کە لە ئۆپەراسیۆنە تاکتیکییە سەربازییەکان بەکاردێت و مەودای 200 بۆ 250 کم.
مووشەکی زولفەقار
مووشەکێکی زەوی بۆ زەوییە و مەودای مامناوەندی هەیە و تەکنەلۆژیایەكی پێشکەوتووی هەیە بۆ لێدانی كەشتی و مەودای لە نێوان 700 – 1000 كم دایە.
مووشەکی سۆمار
مەودای لە 700 بۆ 2500 کم دەبێت، هەروەها توانای فڕینی هەیە بە نزمی ئەمەش وایکردووە دەستنیشانکردنی قورس بێت.
رەعد
مەودای 500 کم و بە سووتەمەنی رەق کاردەکات، لە تایبەتمەندییەكانی، کێشی سووکە و بە خێرایی هەڵدەدرێت.