ئەم توێژە موچەی دوو مانگ وەردەگرن

+964

هونەر فارس – گەرمیان

دوای تێپەڕبوونی هەفتەیەک بەسەر گردبوونەوەی ژینگەپارێزانی گەرمیان دژی پێنەدانی موچەی سێ مانگیان، بڕیاردرا هەفتەی داهاتوو موچەی دوو مانگیان بۆ خەرجبکرێت.

کارمەندانی ژینگەپارێزی تەندروستی گەرمیان ژمارەیان نزیکەی 130 کارمەندە و بەهۆی خەرجنەکردنی موچەی شەش مانگی کۆمپانیاکەوە، موچەی مانگەکانی 11 و 12ی 2022 لەگەڵ 1ی 2023یان بۆ خەرج نەکراوە.

حارس محەمەد، بەڕێوەبەری نەخۆشخانەی گشتی کەلار بە تۆڕی 964ی راگەیاند، ئەنجومەنی وەزیران و وەزارەتی دارایی واژۆیان لەسەر خەرجکردنی پارەی کارمەندانی ژینگەپارێزی تەندروستی گەرمیان کردووە، بڕیاریشە هەفتەی داهاتوو موچەی دوو مانگی ئەو کارمەندانە خەرجبکرێت.

ژینگەپارێزانی تەندروستی گەرمیان بەهۆی خەرجنەکردنی موچەی ئەو سێ مانگەیانەوە هەفتەی رابردوو گردبوونەوە و داوای خەرجکردنی موچەکانیانکرد.