دیمەنی بارهەڵگر و ماتۆڕ سکیلەکە.وێنە،هاتوچۆی گەرمیان
لە کەلار
سەرنشینی ماتۆڕسکیلێک گیانی لەدەست دا
964+
میلاد جەلال – کەلار
لەرێگای پشتێنەی کەلار بەهۆی رووداوێکی هاتوچۆوە لە جۆری پێکدادان کەسێک گیانی لە دەستدا.
درەنگانی شەوی رابردوو بارهەڵگرێک لەگەڵ دوو ماتۆڕسکیلی دوو تایە نزیکی گردەگۆزینە پێکیانداداوە و سەرنشینی یەکێک لە ماتۆڕەکان کە لە دایکبووی 2005ـە گیانی لەدەستداوە.
ئێشکگری نەخۆشخانەی فریاکەوتنی شەھید ھەژار لە کەلار بە 964ـی وت، رووداوێکی ھاتوچۆ لە شەقامی پشتێنەیی لەنێوان ئۆتۆمبێلێکی بارھەڵگر و دوو ماتۆڕسکیل روویداوە و کەسێک گیانی لەدەستداوە.
ئاماژەی بەوەشکرد، ماتۆڕسکیلەکە شۆفێرێک و دوو سەرنشینی لەسەربووە، یەکێکیان گیانی لەدەستداوە و دوانەکەیتر بریندارن و رەوانەی سلێمانی دەکرێن.
پێداچوونەوە: توانا نەقی
