بۆدكاستی (قسەوباس) تایبەت بە فەتوا لە هەرێمی كوردستاندا
“بەدەر لە لیژنەی باڵا هەر فەتوایەك لەهەرێمی كوردستان بدرێت قەبوڵ نییە”
964+
فەرهاد حەسەن
وتەبێژی یەكێتی زانایانی ئایینی كوردستان دەڵێت، فەتوا لە هەرێمی كوردستان گرنگی و تایبەتمەندی خۆی هەیە و لیژنەی فەتواش ئەوەندەی پێویست بووبێت فەتوای بۆ ژیانی خەڵك لە هەرێمی كوردستان دەركردووە.
د. عەبدوڵا شێركاوەیی، وتەبێژی یەكێتی زانایان لە بۆدكاستی (قسەوباس) بە وردی باسی چۆنیەتی دەركردنی فەتوا لە هەرێمی كوردستان دەكات و هەموو ئەو فەتوایانەشی رەتكردەوە كە جگە لە لیژنەی باڵای فەتوا دەریكردوون.
وتیشی “گلەیی و رەخنەكانی خەڵك بۆ لیژنەی فەتوا لە جێی خۆیدا نییە، چونكە ئەوەی پێویست بووبێت لیژنەكە بۆ هاوڵاتیانی كردووە”.
