لە دهۆک
مارکێتێک و کارگەیەکى بەرهەمى سپیایى داخران
964+
وریا فەتاح
لیژنەکانى پاراستنى تەندروستى لە دهۆک، بەهۆى پابەندنەبوون بە رێنمایییە تەندروستییەکانەوە، مارکێتێک و کارگەیەکى بەرهەمە سپیاییەکانى داخست.
بەڕێوەبەرایەتیى خۆپاراستنى تەندروستى دهۆک بڵاوى کردووە، ئەمڕۆ یەکشەممە، لیژنەکانیان لە ناوبازاڕ سەردانى چەندین مارکێت و کارگە و کۆگاى جۆراوجۆریان کردووە، بەدواداچوونیان بۆ کوالێتى خواردنەکان کردووە.
ئاشکراسى کردووە، بەهۆى جێبەجێنەکردنى رێنماییە تەندروستییەکان و بوونى کەرەستەى ماوەبەسەرچوو، مارکێتێک و کارگەیەکى بەرهەمهێنانى ماست، داخراون.
