ئاگادارییهكه بۆ هاوڵاتیانى ههڵهبجهیه
وهزارهتى بازرگانى دهڵێت بۆ بهئهلیكترۆنیكردنى پسولهى خۆراك پاره به هیچ كهسێك مهدهن
964+
فهرهاد حهسهن
وهزارهتى بازرگانى ئاگادارییهكى بۆ هاوڵاتیانى پارێزگاى ههڵهبجه بڵاوكردووهتهوه كه بههیچ شێوهیهك بۆ بهئهلیكترۆنیكردنى پسولهى خۆراك پاره به هیچ كهسێك مهدهن.
وەزارەتی بازرگانی و پیشەسازیی ههرێم ئاماژهى بهوهشكردووه، پێویسته هاوڵاتیان بۆ بەئەلیکترۆنی کردنی کۆبونی خۆراک دەتوانن لە رێگەی ئەم ئەپەی خوارەوە بچنە ناو سستمەکە و ناوی خۆیان تۆماربکەن:
https://play.google.com/store/apps/details?id=com.ht.iq
هاوڵاتیان دهشتوانن بۆ وەرگرتنی رێنمایی و هەر پرسیار و کێشەیەک سەردانی بەڕێوەبەرایەتی پسولەی خۆراکی هەڵەبجە بکەن و لەم قۆناغەدا پێویست بە هیچ بڕەپارەیەک ناکات بیدهن.
داوشی كردووه هاوڵاتیان دووربن لەو کەسانەی بۆ تۆمارکردنی ناوی خێزان بۆ کۆبونی خۆراک پارە وەردەگرن بەهیچ شێوەیەک پەیوەندیان بە وەزارەتی بازرگانی و پیشەسازی و لایەنی حکومییەوە نیە و سستمەکە بەخۆڕاییە لە هەرێمی کوردستان.
لای خۆشییهوه، بەڕێوەبەرایەتی پسولەی خۆراکی هەڵەبجە، داوا لەو کەسانە دهكات کە ئەو فۆڕمە بۆ هاوڵاتیان پڕدەکەنەوە بە هیچ شێوەیەک پارە وەرنەگرن لە بەرامبەر ئەو کارەدا ، بەپێچەوانەوە رووبەڕووی سزای یاسایی دەکرێنەوە.
له دواى به پارێزگابوونییهوه وهزارهتى داد یهكهم فهرمانگهى له ههڵهبجه كردهوه
