چالاکى کولتوورییە
تا ئێستا لە بناری چیای کارۆخ بە گاجووت، جووت دەکرێت
964+
ئاکام غەفور-سۆران
ئەمڕۆ لە بناری چیای کارۆخ لە سنوورى وەرتێ، فێستیڤاڵی ئەسپسواری بەڕێوە دەچێت، بەڵام سەیری هەر لایەک دەکەی دیمەنێکی کولتووری و کۆنی کوردەواری دەکەوێتە پێش چاوت، جوتیارێک گاجووتی هێناوە، جووتیان پێ دەکات.
نەوزاد مەولود، جوتیارە و بۆ 964 وتی،” ئەمە کولتووری باب و باپیرانمانە، یەکێکە لە کارە قورسەکان، لە کۆنەوە هەر بەم شێوەیە رەزوباخیان کێڵاوە”.
ئەو جوتیارە باس لەوەش دەکات، سروشتی ناوچەکە شاخاوییە و سەختە و هەر بۆیە ئێستاش بۆ کێڵانی زەوی گاجووت بەکاردێنین و ناتوانن سود لە ئامێر و تراکتۆر ببینن بۆ کێڵانی زەوی.
ئەمڕۆ شەممە 10.5.2025، لە ناحیە وەرتێ، فێستیڤاڵى ئەسپسوارى و چالاکییە کولتوورییەکان بەڕێوە دەچێت و مەیدانێکى ئەسپسواریش دەکرێتەوە.
فێستیڤاڵەکە کاتژمێر 10ـى بەیانى دەستى پێکردووە و تا کاتژمێر 4ـى ئێوارە بەردەوام دەبێت.
فێستیڤاڵەکە بۆ دووەم ساڵى لەسەریەکە بەڕێوەدەچێت و تێیدا چالاکى ئەسپسوارى و نمایشى فۆلکلۆرى و هەڵپەڕکێ لاوک و حەیران، ئەنجام دەدرێن.
پێداچوونەوە: وریا فەتاح
