لەلایەن پۆلیسی هەولێرەوە
دوو بکوژ لە بەغدا هاڵاتبوون و لە هەولێر دەستگیر کران
964+
ژێوار خدر
دوو تۆمەتبار لە بەغدا کەسێکیان کوشتووە، دواتریش هەڵهاتوون و هاتوونەتە هەولێر بەمەبەستی خۆ شاردنەوە، بەڵام ئەوەیان بۆ نەچووە سەر و ئەمڕۆ سێشەممە 29.4.2025 لەلایەن پۆلیسی هەولێرەوە دەستگیرکران.
بەڕێوەبەرایەتی پۆلیسی پارێزگای هەولێر رایگەیاند، لەلایەن بەڕێوەبەرایەتی پۆلیسی بەغداوە هەواڵیان پێگەیشتووە، کە دوو تۆمەتبار تاوانی کوشتنی کەسێکیان لە بەغدا ئەنجامداوە و رایانکردووە بەرەو هەرێمی کوردستان و شاری هەولێر. دەشڵێت، “تیمەکانمان لە بەڕێوەبەرایەتی پۆلیسی پارێزگای هەولێر دەستیان بە لێکۆڵینەوە کرد و توانیمان لە ماوەی چەند کاتژمێرێکی کەمدا تۆمەتباران دەستگیر بکەین.”
