کار دەکاتە سەر ژیانی رۆژانە
دڵەڕاوکێ چییە و چۆن رووبەڕووی ببینەوە؟
964+
جێگر مەحمود
بە پێی سەرچاوەکانی بی بی سی دڵەڕاوکێ کاردانەوەیەکی سروشتییە بەرامبەر فشار، بەڵام کاتێک بەردەوام و توند دەبێت، دەگۆڕێت بۆ کێشەیەکی تەندروستی، جیاواز لە سترێسی ئاسایی کە بە نەمانیی، هۆکارەکەی نامێنێت.
کاریگەرییەکان:
بەپێی زانیارییەکان دڵەڕاوکێی درێژخایەن کاریگەری نەرێنی لەسەر تەندروستی جەستەیی (دڵ، هەرس، خەو، بەرگری) و دەروونی (میزاج، خەمۆکی، تەرکیز) هەیە و دەتوانێت کار بکاتە سەر ژیانی رۆژانە و پەیوەندییەکان.
رێگاکانی رووبەرووبوونەوە:
هەناسەدانی قووڵ، وەرزش، قسەکردن لەگەڵ کەسانی متمانەپێکراو، و خولیاکان.
یارمەتی پیشەیی:
چارەسەری ڕەفتاریی هزری: بۆ گۆڕینی بیرکردنەوە و ڕەفتارە نەرێنییەکان
دەرمان: هەندێکجار پێویستە و دەبێت بە ڕاوێژی پزیشک بێت
بۆچوونە هەڵەکان (بەپێی پسپۆڕان لە بی بی سی):
فۆنگ لی، پسپۆڕی دەروونناسی بە بی بی سی ڕاگەیاندووە کە چەند تێگەیشتنێکی هەڵە هەن:
دڵەڕاوکێ نیشانەی لاوازی نییە بەڵکو حاڵەتێکی پزیشکییە
زۆر باوە و دەکرێت تووشی هەر کەسێک ببێت
زۆربەی کات پێویستی بە چارەسەر هەیە و بە خۆی چاک نابێتەوە
قسەکردن دەربارەی یارمەتیدەرە نەک زیانبەخش.
دڵەڕاوکێ، حاڵەتێکی چارەسەرکراوە و ئەگەر بەدەستییەوە دەناڵێنیت، داواکردنی یارمەتیی پیشەیی یان پشتیوانی لە کەسانی نزیکت، هەنگاوێکی گرنگە.
