"شاعیرانمان بە هەتیوی دەمێننەوە"
لە کۆیە کۆڕێک بۆ قوباد جەلیزادە سازکرا
964+
گۆڤەند فەتاح – کۆیە
لە کۆیە کۆڕێک بۆ قوباد جەلیزادە شاعیر و نووسەری ناوداری کورد سازکرا و چەندین چەپکەگوڵی پێشکەش کرا.
دوای کۆڕەکە قوباد جەلیزادە قسەی بۆ مایکی 964 کرد و وتی، “کۆڕێکی سەرکەوتوو بوو چونکە خەڵكێکی زۆر هاتبوون و هەمووشیان بەڕاستی گوێگر بوون و تەنیا قەرەباڵغی نەبوو، چەپکەکە گوڵێکی زۆریشم پێشکەش کرا”.
“تا ئەو رۆژەی کوردستان دەبێ بە دەوڵەت و شاعیرەکانمان لەژێر ئاڵای خۆماندا شیعر دەڵێنەوە، بە هەتیوی دەمێننەوە”، قوباد جەلیزادە وای وت.
ئاماژەی بەوەشکرد، هەرچەندە لە رابردوودا میدیاکان وەک پێویست رووماڵی کۆڕ و کۆبوونەوەی شاعیرانیان نەکردووە، بەڵام ئەمڕۆ شتێکی تازەی بینیوە و خۆشحاڵی خۆیشی لەوبارەیەوە دەربڕی.
پێداچوونەوە: شۆڕش قادری
