نزیکەی 225 تۆن پاشماوە لە بازاڕی سیمی هەولێر کۆکرایەوە

964+

شۆڕش قادری

دوای گواستنەوەی بازاڕی سیم لە هەولێر بۆ بازاڕی سپی، نزیکەی 225 تۆن پاشماوە لە بازاڕەکە جێما، هەمووی کۆکرایەوە و گواسترایەوە بۆ زبڵخانەی کانی قڕژاڵە.

ژیار جەلال بەڕێوەبەری ژینگەپارێزی هەولێر بە 964ـی وت، “دوای گواستنەوەی بازاڕی سیم بۆ بازاڕی سپی لە سنوری بەرێوەبەرایەتی شارەوانی شەش، بەشێکی زۆری پاشماوەی دوکانداران و دەستگێرەکانی ئەو بازارە لەو شوێنە مایەوە”.

لە چوار رۆژدا نزیکەی 225 تۆن پاشماوە لە بازاڕی سیم کۆکراوەتەوە و گواستراوەتەوە بۆ زبڵخانەی کانی قرژالە

ئاماژەی بەوەشکرد، تیمەکانیان بە شۆفڵ و ئامێرەکانی پاککەرەوە لە چوار رۆژدا، نزیکەی 225 تۆن پاشماوەیان لە بازاڕەکە کۆکردووەتەوە و گواستوویانەتەوە بۆ زبڵخانەی کانی قڕژالە، لەئێستاشدا شوێنەکە بە تەواوی پاک و بێگەردە.

بەقسەی ژیار جەلال، شوێنی ئەو بازاڕە بەفەرمی حەرەمی تاوەری کارەبایی 132 کەیڤییە و جگە لە سەوزایی نابێت بکرێت بە هیچ شتێکی تر.

+2

بازاڕی سیم تێكدەدرێت و لە سبەیەوە بازاڕی سپی دەكرێتەوە

دوكاندارانی بازاڕی سیم داوای دواخستنی گواستنەوەی بازاڕەكە دەكەن