964+

جێگر مەحمود

چۆن لە بەهاردا تەندروست بیت؟

بەهار وەرزی ژیانەوەی سروشتە، لەگەڵ گۆڕانی وەرزە و گرنگە ئاگاداری تەندروستیمان بین، لێرەدا چەند رێنماییەک بۆ مانەوە بە تەندروستی لەم وەرزەدا باس دەکەین.

ڕووبەڕووی حەساسیەت ببەرەوە: ئاگاداری هەڵاڵەی گوڵان (pollen) بە لە رۆژانی زۆری هەڵاڵەدا کەمتر لە دەرەوە بمێنەرەوە و پەنجەرەکان دابخە.

چالاک بە: کەشی خۆشی بەهار بۆ وەرزشی دەرەوە وەک پیاسەکردن و پاسکیلسواری بقۆزەرەوە.
خۆراکی وەرزی بخۆ: سوود لە سەوزە و میوە تازەکانی بەهار وەربگرە و ئاوی پێویست بخۆرەوە.
پێستت بپارێزە: کرێمی دژەخۆر بەکاربهێنە، چونکە تیشکی خۆر هێشتا دەتوانێت زیانبەخش بێت.
ئاگاداری دەروونت بە: کات بەسەربردن لە دەرەوە و لەناو سروشتدا یارمەتی باشترکردنی میزاج دەدات.

بە پەیڕەوکردنی ئەم خاڵانە، دەتوانیت بەهارێکی تەندروست و پڕ وزە بەسەر بەریت.

زانیارییەکان لە ڕێنماییە گشتییەکانی تەندروستی وەرگیراون کە لە سەرچاوە ئەکادیمی و پزیشکییە باوەڕپێکراوەکانی وەک بڵاوکراوەکانی زانکۆی هارڤاردی پزیشکی (Harvard Medical School) دەبینرێن.

964+

ئەرسەلان عەبدوڵا

یەکەم خولی رشتەی لە وەزارەتی پێشمەرگەی كوردستان كۆتایی هات، تێیدا ژمارەیەك ئەفسەری تازەدەرچووی كۆلیژە سەربازییەكانی زاخۆ و قەڵاچواڵان بەشدارییان تێدا كرد.

راگەیاندنی وەزارەتی پێشمەرگە بڵاویكردەوە، لە چوارچێوەی پلانی بەڕێوەبەرایەتیی رشتەکان بۆ کردنەوەی خولی رشتە جیاوازەکان بۆ ئەفسەرانی تازەپێگەیشتوو، هەروەها دەرچووی کۆلیژەکانی سەربازی بە مەبەستی پەرەپێدانی ئەفسەران، رۆژی 23.4.2025 یەکەم خولی رشتەی کیمیاوی بۆ ئەفسەران کۆتایی هات.

ئاماژەیان بەوەش كردووە، لە خولەکەدا ژمارەیەک ئەفسەری تازەدەرچووی کۆلیژە سەربازییەكانی زاخۆ و قەڵاچوالان بەشداربوون، كە ماوەی دوو مانگ بەردەوام بوو.

وەك ئەوەی وەزارەتی پێشمەرگە باسی كردووە، بەشداربووان لە خولەكەدا بە شێوەی تیۆری و پڕاکتیکی مەشق و راهێنانیان لە بارەی چەکە کیمیایی و ماددە کیمیاییەکان و لێکەوتە و کاریگەرییەکانیان ئەنجام دا، لە کۆتایی خولەکەشدا، بڕوانامەی رشتەی کیمیایی بە بەشداربووان درا.