هەشت بەرگە و بە 2800 دۆلارە
گرانترین کتێبی پێشانگای نێودەوڵەتی هەولێر پزیشکییە
964+
ژێوار خدر
گرانترین کتێبی پێشانگای نێودەوڵەتی هەولێر کتێبێکی بواری پزیشکییە کە هەشت بەرگە و نرخەکەشی بە دوو هەزار و 800 دۆلاری ئەمریکییە.
ئەمیر سەڵاح کتێبفرۆش بە 964ـی وت، “کتێبەکە دەربارەی وێنە پزیشکییەکانە و بۆ نموونە ئەگەر بتەوێ باسی بەشێکی جەستە بکەیت بە وێنە، وەک ئێکس رەی و سیتی سکان یان هەر جۆرێکی دیکە لە وێنە پزیشکییەکان، پێویستت بەم جۆرە کتێبانە دەبێت وەک سەرچاوە”.
ئاماژەی بەوەشکرد، کتێبەکە بەراورد بە کتێبەکانی دیکە وردەکاری زیاتری تێدایە و زۆرتریش زانکۆ و نەخۆشخانەکان وەک سەرچاوە بەکاری دەهێنن.
17ـیەمین پێشانگای نێودەوڵەتی هەولێر بۆ کتێب سێ رۆژە لە شوێنی پێشانگای نێودەوڵەتی لە پارکی سامی عەبدولڕەحمان کراوەتەوە و تا 19ـی ئەم مانگە بەردەوام دەبێت، 964ـیش هاوبەشی میدیایی پێشانگاکەیە.
پێداچوونەوە: شۆڕش قادری
پێشانگا یەک ملیۆن کتێبیەکە دووەم رۆژی بەڕێ دەکات
