964+

ژێوار خدر

بەشی باخچەکانی شارەوانیی ناحیەی شۆڕش ژمارەیەک ئاژەڵی بەڕەڵایان دەستگیر کردووە، کە شەقامەکانیان پیس کردووە و نەمام و داریان شکاندووەتەوە.

بەڕێوەبەرایەتیی ناحیەی شۆڕش رایگەیاند، ئەمڕۆ یەکشەممە 6.4.2025 ژمارەیەک ئاژەڵیان دەستگیرکردووە، بەهۆی ئەوەی هاوڵاتیان و فەرمانگە حکومییەکانی ناحیەکە گلەیی ئەوەیان کردووە، کە گەڕەک و شەقامەکانیان پیس کردووە و نەمامی سەر شەقامەکانیشیان شکاندووەتەوە.

دەشڵێن، “ئاگاداری هەموو خاوەن ئاژەڵەکان دەکەینەوە کە ئاژەڵەکانیان بەهیچ شێوەیەك بەرەڵا نەکەن، چونکە رێکاری ئیداری و یاساییان بەرامبەر دەگیرێتەبەر و لە ئەگەری دووبارە بوونەوەی سەرپێچیەکەیان دەست بەسەر ئاژەڵەکانیاندا دەگیرێت.”

شارەوانی سلێمانی پێنج مانگای بە بارمتە گرت

964+

ئەرسەلان عەبدوڵا

لە رێوڕەسمێكدا بە فەرمی هێڵی ئاسمانیی (ئیجیانی) كرایەوە، كە گەشتی راستەوخۆی نێوان هەولێر و ئەسینای پایتەختی یۆنان رێكدەخات، جێگری سەرۆكی ژووری بازرگانییش دەڵێت، هەفتانە دوو گەشت لە نێوان هەولێر و ئەسینا دەبێت.

رێوڕەسمەكە شەوی رابردوو لە هوتێل رۆتانا لە هەولێر بە ئامادەبوونی  بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان سەفین دزەیی و باڵیۆزی یۆنان لە عێراق جۆرجیۆس ئەلمانۆس، پارێزگاری هەولێر و بەرپرسانی ژووری بازرگانی و پیشەسازیی هەولێر بەڕێوەچوو.

كامەران سەڵاح باجگر، جێگری سەرۆكی ژووری بازرگانی و پیشەسازیی هەولێر، ئەمڕۆ چوارشەممە 16.4.2025 بە 964ی راگەیاند، بڕیارە هەفتانە دوو گەشتی راستەوخۆ لە نێوان هەولێر و ئەسینا ئەنجام بدرێت و فڕۆكەكانیش لە یۆنانەوە دێن بۆ ئەنجامدانی گەشتەكان و هێڵە ئاسمانییەكە یۆنانییە.

وتیشی، لەگەڵ باڵیۆزی یۆنان لە عێراق، دوێنێ لە هەولێر كۆبووینەوە و باس لە پەیوەندیی بازرگانیی نێوان كوردستان و یۆنان كرا، “داوامان كرد پەرە بە بواری وەبەرهێنان لە نێوان هەردوولا بدرێت و كۆمپانیا و وەبەرهێنەرانی یۆنان بێنە كوردستان و كار بكەن”.

كامەران سەڵاح باجگر ئاماژەی بەوەدا، داوایان لە باڵیۆزی یۆنان كردووە كارئاسانی بۆ هاوڵاتیانی كوردستان بكرێت بۆ وەرگرتنی ڤیزا بۆ سەردانی یۆنان.

ئاشكراشی كرد، لە كۆبوونەوەكەدا گفتوگۆیان لەسەر ئەنجامدانی دیدارێکی بازرگانی لە نێوان کۆمپانیا و بازرگانانی یۆنان و هەرێمی کوردستان لە شاری هەولێر کرد، کونسوڵخانەی یۆنان لە هەولێر و ژووری بازرگانی و پیشەسازی هەولێر هەماهەنگی دەکەن بۆ رێکخستنی ئەم دیدارە لە داهاتوویەکی نزیکدا.