964+

محەمەد فاتیح

ئەمڕۆ یەكشەممە 6.4.2025 مانگرتنی گشتی مامۆستایانی عێراق دەستیپێكرد و دەنگۆی دەستگیركردنی ماليك هادی نوێنەری ستافی پەروەردە بڵاوبووەتەوە.

لە پارێزگای واست مانگرتنی مامۆستایان دەستیپێكردووە و قوتابخانەكان داخران و خۆپیشاندانێكی گەورەیان ئەنجامداوە، لە كەربەلا و نەجەفیش مانگرتن دەستیپێكردووە و هەندێك لە قوتابخانەكان داخراون، ئەمە زانیاری میدیا عێراقیەكانە بڵاوكراونەتەوە.

چەند گرتەیەكی ڤیدیۆییش دەریدەخەن لە شاری ناسریە دوای ئەوەی مامۆستایانی چەند قوتابخانەیەك مانگرتنیان راگەیاند قوتابیەكان بەرەو ماڵەوە قوتابخانەكان بەجێدەهێڵن، سەرەڕای بڵاوكردنەوەی چەندین گرتەی ڤیدیۆ لەسەر مانگرتنەكە، دەنگۆی ئەوەش بڵاوبووەتەوە دوای ئەوەی داوای مانگرتنی گشتیی کرد، هێزێکی ئەمنی مالیك هادی نوێنەری ستافی پەروەردەی عێراقی دەستگیرکردووە.

مامۆستایانی عێراق رایانگەیاندبوو، كە ئەمڕۆ دەست بە مانگرتنی گشتی دەكەن و داوای زیادكردنی موچەكانیان و زیاد كردنی دەرماڵە دەكەن.

964+

ئەحمەد مستەفا

بانکی ناوەندی عێراق، قەرز تا 300 ملیۆن دینار و دانەوەی لە ماوەی حەوت ساڵ دیاری کرد، ئەوەش بۆ ئەو کەسانەی پڕۆژە یان کار دەکەن، لە رێکارەکانی دەستپێشخەریی وزەی نوێبوەوە.

وزەی نوێبووەوە کە زۆرجار بە وزەی پاک ناودەبرێت، لە سەرچاوە سروشتییەکان یان پرۆسەکانەوە بەدەست دێت لەوانە خۆر و با، کە دەکرێ لە پڕۆژەکاندا سوودی لێ ببیینرێ و ئەم قەرزەش هاوکار و هاندەرێکە بۆ ئەو هەنگاوە.

ئەمڕۆ پێنجشەممە 10.4.2025، بانكی ناوەندی عێراق رایگەیاند، بە گوێرەی دوایین هەمواری بانکەکە لە بارەی پێدانی قەرز، چەندین گۆڕانکاری گرنگ لەم دەستپێشخەرییەدا کراوە، کە سەقفی پێشینەی پارە بۆ هەر بانکێک بە 300 ملیۆن دیناری عێراقی دیاریکراوە و ماوەی دانەوەی قەرزەکان بۆ حەوت ساڵ درێژکراوەتەوە.

رێژەی سوودی پێشینەکانیان کەم کردووەتەوە، بەجۆرێک کە سوودی بانکی ناوەندی تەنیا 0.5% دەبێت.

لە کاتێکدا بانکە بازرگانییەکان دەتوانن سوودەکە بە 2.5% دیاریی بکەن، ئەمەش دەبێتە هاندەرێک بۆ هاوڵاتیان و پڕۆژەکان بۆ سوودوەرگرتن لە دەستپێشخەرییەکە.

قەرزی پڕۆژەی گەشانەوە بە سێ ساڵ وەردەگیرێتەوە