بەهۆی شۆرتی کارەباوە بووە
ئاگری بەڕادەکانی عەلوەی هەولێر کۆنترۆڵ کرا
964+
دەشتی عارف ـ هەولێر
دەورووبەری کاتژمێر چواری عەسر، لە عەلوەی سەوزە و میوە لە هەولێر، بەهۆی شۆرتی کارەباوە بەشێک لە دوکان و ساردکەرەوەیەک سوتان.
هێرش سەباح، کە لەکاتی ئاگرەکە لە شوێنەکە بووە، باسی ساتی رووداوەکەی بۆ 964 و وتی، “لە شۆرتی کارەباوە ئاگرەکە دروست بووە و بەهۆیەوە ئاگر لە وایەرەکانەوە کەوتە سەر چەند سندوقێک و لەوێوە ئاگرەکە تەشەنەی سەند و گەیشتە ئەو ساردکەرەوەیە کە میوەکانی تێدابوو، بەڵام بەرگری شارستانی زوو گەیشتنە شوێنی ئاگرەکە و نەیانهێشت ئاگرەکە بگاتە ناوەوەی ساردکەرەوەکە و بەماوەیەکی کەم توانیان ئاگرەکە کۆنتڕۆڵ بکەن”.
عەلوەی کۆنی هەولێر دەکەوێتە سەر رێگای هەولێر ـ خەبات، بە سەدان کاسبکار لەوێ کاردەکەن و بژێوی ژیانیان دەستدەخەن و رۆژانە تەڕە و میوە و سەوزەی تێدا دەفرۆشێرێت.
پێداچوونەوە: توانا نەقی
