964+

شۆڕش قادری

دوای دەستپێشخەرییەکی 964 و راگەیەنراوەکەی داواکاری گشتی سلێمانی، بەڕێوەبەرایەتی گشتی راگەیاندن و چاپ و بڵاوکردنەوەـش لەسەر رووماڵی هەواڵەکانی کوشتن هاتەدەنگ و داوا لە میدیاکان دەکات، خۆیان بەدوور بگرن لە رووماڵی هەواڵی تاوان و چۆنیەتی ئەنجامدانی.

خۆتان بەدوور بگرن لە بڵاوکردنەوە و رووماڵی هەواڵی تاوان و چۆنیەتی ئەنجامدانی لەلایەن ئەنجامدەرانی، بەجۆرێک کە بۆتە دیاردە و هەواڵی دووبارە و بەپەلە

کەمێک لەمەوبەر بەڕێوەبەرایەتی گشتی راگەیاندن و چاپ و بڵاوکردنەوە – بەشی یاسا لە ئاگادارییەکدا داوا لە سەرجەم میدیا بیستراو و پۆرتاڵ و رایەڵە ئەلیکترۆنییەکان دەکات، خۆیان بەدوور بگرن لە بڵاوکردنەوە و رووماڵی هەواڵی تاوان و چۆنیەتی ئەنجامدانی لەلایەن ئەنجامدەرانی، بەجۆرێک کە بۆتە دیاردە و هەواڵی دووبارە و بەپەلە.

ئاماژەی بەوەشکردووە، کە بڵاوکردنەوەی ئەو جۆرە هەواڵانە کاریگەری نەرێنی کردووەتە سەر دەروونی هاوڵاتیان و رێگە خۆشکەرە بۆ چۆنیەتی فێربوونی کەسانی تر بۆ ئەنجامدانی تاوان.

بەڕێوەبەرایەتی گشتی راگەیاندن و چاپ و بڵاوکردنەوە داواش لە وەزارەتی رۆشنبیری دەکات رێکاری یاسایی بەرامبەر بە سەرپێچیکارانی یاسا و رێنماییەکان بگرێتەبەر.

ئەوەش دوای ئەوە دێت کە لە مانگی رەمەزانی ئەمساڵدا و تەنیا لەماوەی 10 رۆژدا چەند رووداوێکی کوشتن بە چەک لە ناوچە جیاجیاکانی کوردستان روویاندا و بەهۆیانەوە نزیکەی 30 کەس کوژران و برینداربوون، دواتر 964 لە دەستپێشخەرێیەکدا رووماڵی ئەو جۆرە هەواڵانەی راگرت و ئەمڕۆش داواکارى گشتى سلێمانى و بەڕێوەبەرایەتی گشتی راگەیاندن و چاپ و بڵاوکردنەوە هاتنەدەنگ و رایانگەیاند، هەر دەزگایەکى راگەیاندن رووماڵى کوشتن بکات رێکارى یاسایى بەرامبەر دەگرنەبەر.

وێنەیەکی ئاگادارییەکەی بەڕێوەبەرایەتی گشتی راگەیاندن و چاپ و بڵاوکردنەوە لە خوارەوە:

دواى دەستپێشخەرییەکەى 964 داواکارى گشتیى سلێمانى هاتەسەرخەت

964+

محەمەد فاتیح

ئێران هەڕەشەی ئەوە دەكات بنکەی هاوبەشی بەریتانیا و ئەمریکا لە دیێگۆ گارسیا بكاته ئامانج، ئەگەر هێرشی سەربازی بکرێتە سەری، لەلایەن ئەمریکاوە.

رۆژنامەی تەلەگرافی بەریتانی لەزاری بەرپرسێکی باڵای سەربازی ئێران کە نەیویستووە ناوی ئاشکرا بکرێت، بڵاویکردووەتەوە، تاران ئەو بنکە هاوبەشەی بەریتانیا و ئەمریکا کە دەکەوێتە زەریای هیندی، دەکاتە ئامانج، لە بەرامبەر هەر هێرشێکی  ئەمریکا بۆ سەر ئێران.

ئاماژەی بەوەشکردووە، هیچ جیاوازیەك له کردنه ئامانجی هێزەكانی بەریتانیا و ئەمریكادا ناكەن و لەهەر بنکەیەکی هێزەکانی ئەو دوو وڵاتە لە ناوچەکە هێرش بکرێتەسەر ئێران، بەتوندی وەڵامیان دەدەنەوە و دەکرێنە ئامانج.

لە چەند رۆژی رابردوودا، دۆناڵد ترەمپ سەرۆکی ئەمریکا، لە نامەیەکدا بۆ عەلی خامنەیی رێبەری باڵای ئێران، هەڕەشەی ئەوەی کرد کە “رێوشوێنی خراپ” لە دژی تاران دەگرێتەبەر ئەگەر رێکەوتنێک لەگەڵ واشنتۆن سەبارەت بە بەرنامە ئەتۆمیەکەی واژۆ نەکات.

هاوکات، سوپای ئەمریکا فڕۆکە بۆمب هاوێژەكانی لە جۆری B-2 كە توانای هەڵگرتنی كڵاوەی ئەتۆمییان هەیە بۆ دیێگۆ گارسیا گواستەوە، ئەمەش گریمانەیەکی زۆری لێکەوتەوە کە دەتوانرێت بۆ هێرشی سەربازی بۆ سەر ئێران بەکاربهێنرێت.

ئیسرائیل بنکە ئەتۆمییەکانی ئێران دەکاتە ئامانج و ئەمریکاش بێ ئاگایە

ئێران پێش هێرشەکە رووسیا و ئەمریکای ئاگادار کردووەتەوە