نرخی نەوت بەرەو دابەزینە

964+

ئەرسەلان عەبدوڵا

ئەگەری ئاگربەستی نێوان رووسیا و ئۆکراینا، ئەمڕۆ دووشەممە بووە هۆکار بۆ دابەزینی نرخی نەوت.

ئەمڕۆ دووشەممە 24.4.2025 نرخی نەوت لە بازاڕەكانی جیهان دابەزینی زیاتری بەخۆیەوە بینی.

لە نرخی كردنەوەی بازاڕدا یەك بەرمیل نەوتی برێنت بە 72.8 دۆلار مامەڵەی پێوەكرا، كە بەراورد بە دوێنێ هەشت سەنت دابەزیوە.

هەروەها یەك بەرمیل نەوتی سووكی تێكساس بە 68.23 دۆلار مامەڵەی پێوەكرا و ئەویش بەراورد بە دوێنێ نزیكەی 10 سەنت دابەزیوە.

شارەزایانی بازاڕی نەوت، هۆكارەكانی دابەزینی نرخی نەوت بۆ چەند هۆكارێك دەگەڕێننەوە، لەوانەش پلانەكانی رێكخراوی ئۆپێك پلەس و باشتربوونی پەیوەندییەكانی نێوان ئەمریكا و روسیا.