لە دەربەندیخان جلوبەرگ و خۆراک دەدرێت بە هەژاران

964+

ژووری هەواڵ

لە دەربەندیخان، 200 خێزانی کەمدەرامەت بە پێدانی جلوبەرک و سەبەتەی خۆراک هاوکاری کران، قایمقامیەتی قەزاکەش دەڵێت، جەخت لە یارمەتیدان و بەدەمەوە چوونی هاوڵاتیانی خاوەن پێداویستی تایبەت و هەژاران دەکەنەوە.

ئەمڕۆ پێنجشەممە 20.3.2025، سلێمان محەمەد بە 964ـی وت، 200 سەبەتەی خۆراک کە پێکهاتبوو لە برنج و شەکر و رۆن و 200 پاکێجی جلوبەرگی بالە و نوێ دابەشکران بەسەر کەمدەرامەتانی قەزاکەدا.

هاوکارییەکان لەلایەن بەڕێوەبەرایەتی چاودێری و گەشەپێدانی کۆمەڵایەتی سلێمانی برابوونە قەزاکە.

لە هەرێمی کوردستان ساڵانە لە مانگی رەمەزاندا هەڵمەتی فراوان بۆ دابینکردنی پێداویستی و خۆراک بۆ هەژاران رێکدەخرێت و سەدان سەبەتەی خۆراک و جلوبەرگ دابەشدەکرێن.

سه‌دان خێزانى کەمدەرامەتی هه‌ڵه‌بجه‌ سه‌به‌ته‌ى خۆراكیان پێدراوه