964+

ژووری هەواڵ

کۆمپانیای گەنەڵ ئینێرجی داوا لە حکومەتی عێراق دەکات گرێبەستە نەوتییەکانی لەگەڵ هەرێمی کوردستان بپارێزرێن و شایستە داراییەکانی پێشوویان پێ بدرێت.

ئەمڕۆ سێشەممە 18.3.2025، کۆمپانیای گەنەڵ ئینێرجیی بەریتانی-تورکی راپۆرتی ساڵی 2024 ـی خۆی بڵاوکردەوە و رایگەیاند، کار دەکەن لەگەڵ لایەنە پەیوەندیدارەکان بۆ دەستپێکردنەوەی هەناردەکردنی نەوتی هەرێمی کوردستان لە رێگەی هێڵى بۆرییەوە.

لە راپۆرتەکەدا ئەوەش هاتووە کە دەبێت گرێبەستەکانیان لەگەڵ حکومەتى هەرێمی کوردستان لەلایەن حکومەتی عێراقەوە دانیان پێدابنرێت و بپارێزرێن، هەروەها مافە داراییەکانی پێشوویان بۆ دابینبکرێت.

کۆمپانیاکە دەشڵێت، ئاستی بەرهەمهێنانی نەوتی خاوی لە ساڵی رابردوودا گەیشتووەتە 19 هەزارو 650 بەرمیلى رۆژانە تێکڕاى نرخى فرۆشتنى یەک بەرمیل 35 دۆلار بووە.

لە راپۆرتەکەدا ئەوەشی خستووەتەڕوو، داهاتیان لە فرۆشتنی نەوت بۆ ساڵی رابردوو، 74 ملیۆن و 700 هەزار دۆلار بووە و چاوەڕان دەکەن بۆ ئەمساڵ ئەو داهاتەی لە رێگەی بەرهەمهێنانی نەوت لە کێڵگەی تاوکێ بەدەستیدەهێنن قەرەبووی خەرجییەکانیان بکاتەوە.

لە راپۆرتەکەدا ئەوەش هاتووە کە حکومەتی هەرێمی کوردستان 107 ملیۆن دۆلاری ئەوان قەرزدارە لەبەرامبەر حەقدەست و بەرهێنانی نەوت لە ساڵی 2023، کۆمپانیاکەش 50 ملیۆن دۆلاری حکومەتی هەرێمی کوردستان قەرزدارە.

"حکومەتی عێراق هەوڵ دەدات کێشە هەڵپەسێردراوەکانی نێوان بەغدا و هەرێم چارەسەر بکات"

964+

ئەحمەد مستەفا

لە هێرشێک بۆ سەر حوسییەکانی یەمەن، رۆژی یەکشەممە بۆردومانی فڕۆکە جەنگییەکانی ئەمریکا لە سەنعای پایتەخت 14 کەس کوژرا و بریندار بوون.

ئەنیس ئەسبەحی، وتەبێژی وەزارەتی تەندروستی سەنعای ژێر کۆنترۆڵی حوسییەکان رایگەیاندووە، فڕۆکەکانی ئەمریکا بە چەند هێرشێکی ئاسمانی باڵەخانەیەکی گەڕەکێکی نیشتەجێبوونیان لە ناوچەی عەسری سەنعا کردە ئامانج و بەو هۆیەوە هاووڵاتییەک کوژرا و 13 کەسی دیکەش برینداربوون.

ئەسبەحی ئاماژەی بەوەشکردووە، لە کۆتا داتا سێ منداڵ و دوو ژن لەنێو بریندارەکاندا بوون.

ئەسبەحی ئەمریکا و کۆمەڵگەی نێودەوڵەتی و رێکخراوە نێودەوڵەتی و مرۆییەکانی لە ڕووی سیاسی و ئەخلاقیەوە بە بەرپرسیارێتی “دەنجامەکانی بەئامانجگرتن و بۆردومانکردنی بە ئەنقەست بۆ دامەزراوە مەدەنییەکان و گەڕەکەکانی نیشتەجێبوون” زانی.

31 كەس لە هێرشەكانی ئەمریكا بۆ سەر یەمەن كوژران